|
|
Green bee eater225 views
کرکی ءُ نیلاں گواھرامُک
Karki. Nillan gwahramok
کرکی ءَ باز ھنداں نیلاں گوھرامُک گوش انت۔ کرکی بلوچستان ءِ وتی مُرک انت ۔ کشارانی ہمرنگیں بلے بُرزی نیمگا کمّ ءِ سُہری است۔ اے بالو پاتو کٹگ کرم شکار کنت۔ اے کسانیں بالی مُرگ ءِ بلے اشیے مستریں زات ءِ استیں کہ موسم ءِ سرا کئیت پدا واتر بیت۔ 
(1 votes)
|
|
Dove132 views
کپوت
Kapot
کپُوت بلوچستان ء جہمنندیں مُرگے نہ انت - بلے سالے شش ماہاں کپوُت بلوچستان ءَ گوازینت - وھدے یُوروپ ءَ شرتگ ءُ گوریچ کشّگا بُنگیج کنت ڈنّ و ڈگار برپین بنت گڈا ایدگہ مُرگانی وڈا کپوت سپر کنت او بلوچستان 1 مارچ ءَ زائری کنت - اے درگت بلوچستانء گلّہے روُن بیت - کپوت وتی دو و سے ماہے سپرے ژندیا بلوچستانے مچکدگ،جنگل و پٹ و میداناں چہ کشّیت - بلوچستان گرماگے موسم کپوتے ہیک رینیے واستا باز دلجم انت - کپوت اگست ء واتر بیت
اجب گیر کاینت ندارگ گُلانی
کپوتانی کوُ کوُ کرام شانتلانی
میجر مجید
(1 votes)
|
|
Crested Lark182 viewsبُللی
Bolli
بُلّی کسانیں مُرگے کہ گیشتر ماں کشاورزیں ڈگارانی ھند و دمگاں گندگ بیت - بُلّی ء باز جاہ ء چڑ بُلّی ، بُلّی چڑول ہم گوشنت - بُلّی اگاں ایوک بی بیت گڈ بُرزگیے سرا نیندیت او الہان کنت - اشیے آواز باز دوستناک انت - سُہبانی سرا ڈگارانی سرے وپتگیں مردمان چہ واب ء گوں وتی الہان ء پاد کنت
(1 votes)
|
|
Laughing dove223 viewsشانتُل
Shantol
شاتُل بلوچستان ء اصلی مُرغ نہ انت - بلکن چو کپوت ء وڈا چُک او بر ء وھدا شاتل بلوچشان ء جنگل او گرمیں موسم ء کارمرز کنت - شاتل گونڈیں سُہریں او پُرکّویں بالی مرغ ء - وشّیں کوُ کوُ کنت - شاتل گیشتر بہار کاہ او ڈگاروان نندیت دان چنت او وارت
(1 votes)
|
|
Peafowl 'Peacock'207 viewsمور
Mor
مُور بلوچستان ءِ مُرگ نہ انت بلےدان دانگے داشتگ انت ۔ اے بالی مُرگ ءِ اشیے باز زات انت بلے سبز ءُ شونز وڑیں ھندے مُرگ زانگ بیت ۔ نریں مور ءَ بلوچی ءَ کروس گوش انت ۔ اشیے دُمبی باز دراج بنت ، ءُ دمبی ءِ پُوٹاں تائوز گوش انت ، کہ باز ڈولدار انت ۔
(1 votes)
|
|
Parrot205 viewsمٹٹو
Metto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔
(1 votes)
|
|
Namaqua Dove257 viewsکپوت دراج دُمب
Kapot drajdomb
دراج دُمبیں کپوت بلوچستان ءَ گللہ ءِ رون ءَ مان نہ ترّ اِت ۔ بلے کزا یک ءِ یک ءِ ہمے کپوتانی ہمرائیا گندگ بیت ، اے دراج دُمبیں کپوت گیشتر افریکا ءُ یورپ ءَ گردش کنت ۔ اے چہ اسلی کپوت ءَ چہ کستر انت بلے ڈولدار انت ۔
(1 votes)
|
|
Lichtenstein's Sandgrouse294 viewsGwardaag
گورداگ
گورداگ بلوچستان ءِ کور، کوہ ءُ کُچگانی زینت انت ۔ گورداگ لکرک ءِ زاتیں بالی مُرگ ءِ کہ گیشتر ماں ڈل پادیں ھنداں وتی جاہ کنت ۔ اے تہارین مغرب ءُ تہاریں سُہب ءُ آپ کنت ، باز ڈولداریں مُرگ ءِ بلے مرچاں بلوچستان کم بوّان انت ۔ چیا کہ اشیا شکار کن انت ۔ دومی چہ تہاریں بانگواہ ءُ تہاریں مغرب بال کنت آپ ءَ روگ کہ بجلی ءِ سمّاں لگ ات ءُ مریت۔
(1 votes)
|
|
Peahen196 viewsمور
Mor
اے مور ءِ نکینک انت ۔ اے ٹوہیں بالی مُرگاں چہ یک ات ۔ اے یک رین یا دہ ءَ بگر تا بیست ھیک دنت ۔ اے بالی مُرگ بلے اشیا رامگ کن انت ءُ وتی باگ یا گِس ءَ دار انت ۔
(2 votes)
|
|
Crow201 views
Gorag
گُراگ
گراگ یک ڈالیں بالی مرگے کہ گیشتربلوچستاں کوہ ، لداں او دریا بارا بیت - گراگ ء آواز باز بُرز انت او پدا مرگانی بد شکل تریں مرگ انت - پرچا کہ گراگ چہ تین ء سیاہ ترانت - گراگ اگاں بازارے نزیکا کوار کوار بکنت بازارے مردم ہمے گوشنت کہ گراگا شُمّی زرتگ نون یکّے کوشیت - بلے اے انچائین گپ ات -۔
(1 votes)
|
|
Houbara bustard208 viewsچرز
Charz
چرز یک ٹوہیں بالی مُرگے - چرزے تنی وھدی 32 ذات درگیجگ بوتگ انت - چرز ایشیا او افریکہ ء مرُگ انت - وھدے کہ میانی ایشیا گوریچ کشّگا بنگیج کنت گُڈا اے ٹوھیں مُرگا تررگا نیلیت، مجبور بیت او وتی بالاں بندیت دیم پہ گرمیں ھنداں ۰ بلوچستان اکتوبرے ھلاسی او نومبرے بندات ء سر بیت - چرز گیشتر، مدگ، کٹگ، میزوک، کڈوک، چریت، کیپُک، بالواں چینت او وارت - بلوچستان پہ چرزا ایمنیں جاہے نہ انت - مئے درملکی مہمان مئے میاراں شکار کن انت او ما وا وا کنیں
(1 votes)
|
|
Babblar218 viewsپنتول اُو پنکلگ
Pentol o Penkalag
پنتول یا پنکلگ کسانیں مرُگ ۔ آئیے دُمب دراج انت ۔ بانزولانی پُٹ کسان انت ۔ پنتول باز بال کُت نہ کنت ۔ پنول بلوچستان ءِ جنگلانی الہان انت۔ گونڈیں مُرگے بلے آواز ءِ باز بُرز انت ۔
Pic by M. A. Talpur
(1 votes)
|
|
| 55 files on 5 page(s) |
 |
3 | |
|
