Shells159 viewsکرکینک
Karkaink
کرکینک مدامی تیاب دپاں یا ریکانی توک ءَ دست کپیت ۔ اے کسان ءُ مزنیں رزان گونگیں گرّ ءِ کہ بلوچاں پہ روگن مان کنگ ءَ کار بستگ ، بزاں ساپیں روگن گرم کتگ انت ءُ کرکینک مان کتگ انت ءُ نُنّکانی گین ءَ داتگ انت ۔
Springs159 viewsBahargah
بہار گاہے موسم ءِ بہار رودیت۔ اے گیشتر ستمبر بزاں سال ءِ نُہمی ماہ ءَ بگرچہ اپریل بزاں اے دگہ سال ءِ چارمی بیت کہ اے وھدا بہارگاہ ھُشک ءُ ھلاس بیت ۔ اے کاہ ءُ بُوٹگانی عمرے وھد شش ماہ انت ۔ ہمے درگت ءَ آ بر ءُ دان کنت ۔ چونایا گلہ، جوو، زرت، سُہرو ہم بہارگاہ وھدے بوٹگ انت ، بلے مرچاں ہور ءُ جمبرانی سرا بیسہ نہ کن انت ءُ آھاں ہمے موسمے درگت ءَ کش انت ۔ ءُ اپریل رون موش کن انت ۔
Cucumis melo157 viewsچیبیٹ
Chibit
چبٹ تیجگانی ذات ء گون سیادی کنت -چونایا چبٹ نہ کش انت بلے تیجگے توم ء کش انت تیجگے نزوریں و لاگریں توم رودنت و چبٹ پر کن انت - چبٹ چو تیجگ ء شیرکن و تامدار انت - بلے کسان انت - چبٹ وھدیکہ پُھتہ بیت گڈا وت چا ولّ ء سدیت جدا بیت - وھدیکہ سال آباد بہ بیت گڈا دشت ء چبٹ باز بیت - چمیشکہ نام کپتگ کہ دشتی چبٹ وار انت
Berry157 viewsپنسیں کُنر
Pensin konar
پنس کنر ءِ یک زات ءِ کہ گیشتر کوہ ءُ ڈرّان رود ایت۔ اے باز کنتگی بیت ءُ سرا سِر کپگ نہ بیت ۔ اے مدام بُنژءَ بُنژ انت ۔ اے گیشتر اکتوبر تاں جنوری بر کنت اشیے دانگ کسان انت بلے وشیں بوہ کن انت ءُ شیرکن انت ، ءُ گڈگ ہم مزن انت ۔ وھدے زمانگ ءُ مردمان پنسیں کنر چُپتگ ءُ دوگیں شیر مان کتگ انت کہ ایشانی تام باز وش بوتگ انت ، بلوچستان ءَ مرچی ہم باز مردم کنرے چنگ ءَ ڈل ءَ روانت ۔
Grapes157 views
Angoor
انگور
انگور یک میوہ ات - کہ آیے درچک چو ولّے وڈا رودیت - انگورے یک ھُوشیا پنچ ء بگر تاں پنچ سد دانگ بر پر بیت - انگورے میوہ باز شیرکن او تامدار انت - انگورا چہ شراب او شربت جوڈ کن انت - گیشیں انگورانی دانگاں تاپ کن انت او ھُشک کن انت او کشمش جوڈ بنت - کشمش ء چہ بریانی او کیک جوڈ کن انت - بلوچستانے بالائی ھند او دمگ بزاں سوراب قلات منگوچر مستونگ سرباز پنجگور ء انگورے بے ھسابیں باگ است -۔
Black-eyed Bean156 viewsماک
Maak
اک بلوچستان ء ڈگار او کُچّگاں مرچی ہم زینت انت ، ماک دراجیں کوسرک پر کنت کہ اسپیت گونگ انت - ماک ہم بلوچستان ء یک دھل ء زانگ بیت - ماک ء کُوّل باز تام دار انت - ماک ء کشار ہم سبز او ڈولدار انت -۔
Kite153 viewsباد پادگ
Bad padag
بادپادگ یا کانگڈو اے بلوچانی اڈ کتگیں چیزے نہ انت۔ بلے کراچی ءُ مرچی باندا بلوچستان ءِ ایدگہ ھند و دمگاں کارمرز کنگ بیت۔ اے کانزگ ءَ تل کن انت ءُ بارگ ءِ کن انت اشیے سرا کاگدے لیچین انت ءُ بندکے بند انت ءُِ گوات ءِ کمک ءِ بال ءِ دینت ۔
Stone 153 viewsساپین سنگ
Sapin sing
سنگ جہان ءَ باز انت بلے بلوچستان ءِ سنگانی وتی جتائیں ساپی ءُ رنگ ءُ دروشم است انت ۔ مرچاں اے سنگانی لوٹ باز بوتگ پرچا کہ جہان ءَ ڈیکوریٹ کنگ ءِ واستہ اے سنگانی لوٹ باز انت
Mahsroom152 viewsزُنڈ
Zond
زُنڈ کُٹینگ ءِ یک زات ءِ بلے زمستان ءَ یا بہارگاہ درگت ءَ پیداک بیت ۔ زُنڈ بلوچستان ءَ باز جاہ ءَ پیداک بیت بلے زامُران ءِ زُنڈ باز مزن انت ۔ زُنڈ ہم ءَ جاہ ءَ رُدیت یا پیداک بیت کہ آئیے کش ءُ گور ءَ مزّوم ءِ ریمکیں درچک موجود بہ بیت ۔ مزّوم مہ بیت اودا زُنڈ پیداک نہ بیت ۔ عربستان ءَ اے یک نامداریں وراک ءِ زانگ بیت ۔ انوکیں وھدءَ اشیے یک کیلو ءِ 300 ڈالر ءَ ہم ترا دست نہ کپیت
Porcupine spike 152 viewsسیکون ءِ شل
Sekon e shill
سیکون یک کسانیں جناور ءِ کہ کاہ چریت ۔ اے روگ ءَ باز کم رفتار انت ۔ روچ ءَ وتی ھونڈ ءَ وپسیت ءُ شپ ءَ درکیت ءُ درچک چریت ۔ بلوچستان ءَ گیشتر کشاراں تاوان دنت ۔ اے سیاہ رنگ ءِ اشیے پُٹانی توک ءَ دگہ شل مان انت کہ وتی رکینگ ءِ ھاتر ءَ شلاں چو تیر ءِ وڑا وتی دشمن ءَ پیر کنت ۔ مکران ءِ کوہاں سیکوں است انت ۔
Date on 4 positions152 viewsNah
ناہ
اے مچے بر انت بزاں مچے نیبگ یا سمر انت ۔ بلے اے چاریناں بلوچی ءَ چار نام داتگ انت ۔
۔1 پَپُک .2 رنگ یا کلونٹ .3 ناہ .4 چل
شمے ھند ءُ دمگاں ایشاں چے گوش انت ۔