|
|
Pomegranate166 viewsAnaar
انار
نار یک میوہ ات کہ گیشتر گرماگے ھلاسی او زمستان ء اول سرا پا ورگ ء جاڈی بیت - انار پُل او انارے گروہگ گیشتر بلوچ شاہراں پہ جنک ء شرّنگی ء تشبیح داتگ انت - بلوچستان انارے واستہ وش تبیں موسُم دنت - مکران ے برزی ھنداں بگر تاں سراوان تاں توران اے انارے ردوما باز جوانیں ھند و دمگ انت - انار سُہریں گروھگے توکا سُہریں شیرکنین او تُروپشیں دانگ مان - انار کہ گیش بنت گڈا ایشان تاپ کن انت او اناردانگ جوڈ کن انت - آیے پُوستا چہ بندگ او پژم رجنت - انار دلے نادراہ اے علاج انت -۔Oct 31, 2011
|
|
Creeping wood sorrel, Oxalis226 viewsShahri Tropshok
شہری تُروپشوک
اے یک ہنچیں وترودیں کاہے کہ کم کمّا تانسریں کشار کُتگیں ڈگار ء پُوچنت - اشیے دل ء نمونگیں تنکّیں تاک انت - زردیں پُل پر کنت - کسانیں کوسرک پر کنت - اے گیشتر کوہدامنیں ڈگاراں رودیت - کوہ ء مردم ایشیارا شہری ترپشُک گوشنت - اشیے تاک ترپش انت -Oct 31, 2011
|
|
Alhagi marorum214 viewsShizz
شز
کسانیں بوٹگ ات - ملک پادیں ھند و دمگ و ڈگارواں رودیت - شزّ ے گونڈیں تاک و تُسکیں کُنٹگ پر ، سُہریں پُل ہم پر کنت - وھدے زمانگا شزّ ھُشتر ء چارینتگ - میر و زرداریں مردماں وتی کاپر چپ و چاگردا شزّ کتگ شزّانی سرا آپ ریتکگ وھدے گواتا کشّ اتگ گڈا کاپرے چیر سارت سارت بوتگ - کاپرے نام شزّانہ بوتگ - اگان مردمیا جرم ء کتگ گڈا مجرم شزّانی سرا جان درا لیٹ داتگ
کُٹّو بانکلینک مئے مُلکا تو میا
مئے مُلک باھوے کہ شزّ او کُنٹگ انتOct 31, 2011
|
|
Laughing Dove New Born Chick214 viewsShatol e Padd
شاتُل ء پڈ
شاتُل ءپڈ چہ ۃیک ء درکیت تاں تولگ پُٹ بیت وھدیکہ پُٹ پر کنت او بالی بیت گڈا آیا چُنکی گوشنت -۔
Oct 30, 2011
|
|
Laughing Dove Chick248 viewsShatol e Chonki
شاتُل ء چُنکی
شاتل ء چُنکی کسانیں کُدوا وتا جاگہ دنت - ہیک ء درآہگا دو ہپتگا رند بال کنت شاتل ء چنکی انی اے اکسے توک ء شاتُلے چُنکی ٹُکّرتگ - بلے تنیگا بالی نہ انت کہ بال بکنت -۔
Oct 30, 2011
|
|
Wagtail 201 viewsNambol
نمبُل
نمبُل کسانیں مرُگ ء دراجیں دُمبی انت - بلوچستان ء نمبُل گلّہ ء نمب ء او ایرھت بزاں کڈبے رون ء بازبیت - نمبُل کٹگ بالو پاتو چریت او کرم چنت وارت - نمبُل ہروھدا وتی دُمبیا سُرین ات - نمبُل گیشتر ڈگاراں کہ آپ بیت ہمودا موجود بیت - پرچا کہ آپ کشارے کٹگاں بال دنت او کرماں ڈنّا کارایت او نمبُل ہمیشاں چنت او وارت ۔ بلوچستان ء ھند و دمگاں اشیے باز نام انت - نمبُل، نمبی، بازارُک او تیلیسک ہم گوشنت۔
Oct 30, 2011
|
|
Nerium Oleander211 viewsJor
جور
جُور یک ڈولداریں پُل ء - بلوچستان ء گیشتریں کُوہ اُو دمگاں رُودیت - جور ہم ء وڑا ڈولدار انت ، ہمے وڑا کُچّلا زھر انت - دلوت جورے تاکاں بوہ چن انت بلے تاکاں نہ چرانت -۔Oct 24, 2011
|
|
Cyperus rotundus182 viewsKollichk
کُلّیچک
کلّچک کسانیں وت رودیں کاہے - نرم ہ نازُرک انت - اے گیشتر سال ء دُوازدہیں ماہ ء سر سبز و شاداب گندگ ء کئت - دلوتانی دوستناکیں کاھاں چہ یکّے - اے کاہ گیشتر کشارانی توکا رودیت - اُو ڈولداریں پُل ء پر کنت - بلے توم پر نہ کنت - کلّچک اُنڈال ء جنت کسانین سیاہ رنگے کہ بلوچی ء تُوتک ء گُشنت - اگاں سال ء ھُور مہ بیت یا آپ مہ رسیت کلچک ء توتک نہ مریتOct 24, 2011
|
|
Abutilon Pannosum202 viewsJenni Kakaink
جنّی کاکینک
جنّی کاکینک کسانیں درچکے کہ ماں ٹوہیں درچکانی بگل ء رودیت - اے سال دوازدہیں ماہاں سبز انت - اے گردیں تاک پر کنت او زردیں پُل ، باز ڈولدار انت Oct 24, 2011
|
|
A Baloch village on mountain291 viewsBaloch Metag Koh e damon a
بلوچ میتگ ، کوہ ء دامن ء
میران ء ڈیم ء چہ کمے پیسر اے میتگ کوہ ء کش ء آباد انت - اے بازارے نام اچانک انت - او باز ڈولدار انت
Oct 24, 2011
|
|
I'm a Baloch468 viewsMani Golzamin
منی گُلزمین
بلوچ کہ اے گلزمین ء اسل وارث انت بلے آئیے مال او متاہ یک چادر او یک داس انت - کہ کاہ بہ چنت او وتی پس و گوکاں بہ دنت - اے اکس ء توک ء ہمیش زانگ بیت کہ بلوچ ء مال او متاہ داس او چادرا چہ دگہ ہچ نیست -۔
اکس ء منت
واجہ جان بلوشیOct 24, 2011
|
|
Cat251 viewsGorbag
گُربگ
گُربگ نریں پیشی انت - پیشی یا پیشّو گیشتر مقامی داشتگیں رسترے بلے وھشی بزاں جنگلی پیشّی است - ۔Oct 20, 2011
|
|
| 2255 files on 188 page(s) |
 |
|
|
|
|
157 | |
|
|
|
|
