| Category |
Albums |
Files |
|
10 |
2,317 |
|
| 2,317 files in 10 albums and 1 categories with 973 comments viewed 553,358 times |
|
|
spathodea campanulata flower181 viewsاسپاتوڈیا
Spathodea
اے یک ٹوھیں پُل ءِ کنت کہ باز جلوہ ناک بیت ۔ اے ڈنی پُل ءِ منی ھیال ءَ بلوچستان ءَ سر نہ بوتگ۔ اے سُہریں پُل باز زنڈ انت ، منی ھیال ءَ اے دگنیائے ٹوہیں پُلان چہ یک ءِ بوت کنت۔ اے درچک ءُ آئیے دروشم چو مئے مُلکے زیتون ءِ وڑ انت۔۔
|
|
Corn Spurry. Spergula arvensis214 viewsڈنڈلو
Dandalo
گونڈیں ءُ بارگیں ورّودیں کاہے، کہ گیشتر گلّہہ ءُ جوانی ڈگارانی توک ءَ رودیت - اشیا کاہُک ءِِ وڈا کارمرز کن انت
نمنتوک ءُ ڈنڈلو ہردو گُہاراں
مات ءِ مُرتگ بلے پُرس نہ داراں
|
|
Silver bill210 viewsچنچرت
Chenchert
چنچرت یا پُمپُرت 13 سنٹی دراچ بیت اے کسانیں مُرگ ءِ کہ کسانیں بُنڈکیں سُنت پر ، اشیے سربری نیمگ ناسی انت ، چیری نیمگ اسپیت بلے دُمبلی ءُ بانزپلانی سر سیاہ رنگ جن انت ۔ اے بلوچستان ءَ باز انت ۔ اے گیشتر بہار کاہانی براں او گلّہ او جواں ہم پلگی کنت ۔ اےکسان بلے ڈولداریں مُرگءِ ۔
|
|
Dalbergia Sissoo309 viewsJakk
جکّ
جکّ ء درچک بلوچستان ء گیشتر کوھانی دلبنداں رودیت - ہنچیں جاھاں کہ اودا مردم ہم شوت نہ کنت - سکّیں ڈولداریں درچکے کہ یشیے دار پہ منجہ، تہتگ، رھت، تپر و داسے دستگ جوڑ کن انت - اشیے دار باز مُہر انت - اگان جاہ ء وش بہ بیت گوڈا سک بْرز بیت
|
|
COCCULUS SP171 viewsزامُر
Zamor
چونایا زامْر ء درچکے لیکنت - بلے زامْر درچکے نہ انت بلکن یک ول ء - زامْر چو ول ء وڑا دومی درچکے سرا روت - اگاں درچکے بوتیں گڈا وتی کنٹے سرا چو درچکے وڑا مک بوتیں - بلے چوش کہ ول ء پمیشکہ دگہ درچکانی کمک و مدت ء وتا پتاہاں کنت و سر کپیت - اے گیشتر کھور، چگرد، چش، و پیرانی سرا سر کپیت۔
جُست۔۔۔ من زامُری درچکے باں تلاری دیم ء رُداں
پسُو۔۔۔ من کُوہی گرانڑے باں تئی سرشاہان
|
|
155 viewsجُگر ءُ کلیر
اے دو جنگلی میوہ انت کہ بلوچستان ء گرمیں ھند ءُ دمگاں بنت ۔ ایشانی بر تام دار انت ۔ اے دویناں بلوچاں دو بتل ہم بستگ ۔
1 من جُگراں بار مُلاھاں ۔
2 لج نہ کنت کلیر ءَ کہ بے تاک ء بر کنت۔
|
|
Aapotag219 views
آپوتگ
Aapotag
آپوتگ یک بے تاکیں بوٹگ ءِ کہ مدام پہ رودگ ءَ دگہ درچکانی کمک ءَ چہ رودیت ۔ اے زنڈ زنڈوکیں کنٹ ءِ چہ آپ ءَ پُریں ۔ اشیا بلوچ وارت ءُ اشیا یک سلاد ءِ زانت بلے من آپوتگ ءِ سبزی جوڑ کتگ کہ باز تامدار بوتگ انت ۔
|
|
Potronk183 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
|
|
Viper Snake6 viewsGarr
گر یک سکیں تُرسناکیں مارے ۔ گرے بلوچستان نزے دہ چہ پانزدہ زات است انت بلے ہُمک ھنداں ایشانی نام دگر انت ۔ چوش کہ 1 جیل، 2 لُک، 3 کانٹی، بلے دگہ ہم باز انت ۔Jun 08, 2026
|
|
Balochistan pygmy jerboa44 viewsBalochistan e kangro
بلوچستان ءِ کسانکیں ءُ پٹکیں سے لنکگی جربو بزان کانگرو باز کسان ءُ پٹک انت ۔ آئیے سنٹ ء بگر تا جاں دراجی 4.3 سنٹی میٹر انت ۔ آئیے لٹیک 8 سنٹیمٹر انت اے نسل بلوچستان ءُ افغانستان است انت ۔ اے بلے اولی رند ءَ بلوچستان درگیجگ بوتگ چمیشکا اشیا بلوچستان نام داتگ ۔ گونڈیں بالاد ے اے وتارا وتی دویں پادانی سرا سٹوک کنت ءُ چہ دشمناں وتار رکین ات ۔ اے وتارا گرمیں ریگستان ءُ ہُشکاوگیں جاہاں زند گوازین انت اے گیشتر وت رودیں درچکانی بر ءُ تاکاں وارت ۔ ایشان گیشتر گریں مار، گوج ءُ پیشی شکار کن انت ۔ May 30, 2026
|
|
BLADDER DOCK28 views
Kohi Tropshok
کوہی ترُپشک
اے گیشتر ماں کوہاں اُو ڈل دیماں رُودیت - اے باز ترُپش انت اُو گندگ ء گوں دپ آپ دنت - بھار کاہ ء بلے گلابی، زردین اُو سُہریں پُل پر کنت - منی ھیال ء بلوچستانے ڈولدارتریں پُلاں چہ یکے - ترُپشُک ء تاکاں بلوچ پہ شُوق ورانت
May 26, 2026
|
|
Alfalfa, Medicago sativaa26 viewsEspost Pol
اِسپوست کسانیں کاہے کہ کد ءِ 3 فٹ بوت کنت ۔ اسپوست رُدگ ءَ باز دیر کنت، بلے اولی رند ءَ رُونگ ءَ رند پدا زوت رودیت ۔ چین ءَ 1500 سال پیشتر اسپوست پہ تہلگ کار مرز کتگ ۔ اسپوست چاز سال ءَ بگر تاں ہشت سال ءَ کاہ دنت ، بلے اگاں اسپوست ءَ جاگہ وش بہ بیت ءُ ءُ بیست سال ہم زندگ بوت کنت ۔ اسپوست ءَ باز زات انت بلوچستان ءَ جموں رنگ ءِ پُل ءِ اسپوست کارمرز کن انت بلے دریں ملکاں زرد پُل ءپ گلابی پُل ءُ دگہ بازیں زات ءِ اسپوست است ۔ اسپوست ہما کاہ انت کہ اشیا دُراہیں دلوت ورانت ءِ ۔ اسپوست ہما کاہ انت کے
May 21, 2026
|
|
unripe date42 viewsPapok e nah
پپُک ءِ ناہ
وھدیکہ کہ پپُک چہ وھد ءِ پیسر ناہ بیت بزاں پہ ورگ وش انت وھدیکہ کہ پپُک آرتونگ بیت پدا ناہ بیت آئیے تام باز وش بیت ۔ شما پپُک ءِ ناہ وارتگ؟ May 16, 2026
|
|
Ehretia obtusifolia49 views
Kasanin Liwar
کسانین لیوّار
کسانیں لیوّار بلوچستان ے درچک نہ انت - اے بلے مرچاں بلوچستان لوگانی دیم او باگانی توک ا دست کپیت - او اشیا کسانین زردیں دانگ لپچناک انت بلے گونڈو اشیا پہ شوق سرچن انت او ورانت - بلے اے ھاسیں نیبگے نہ انت -۔May 08, 2026
|
|
Plantago boissier [Isphagula]71 views
Danichk
دانیچک کسانیں کاہ ء ماں بہارگاہء رودیت - اے درمانیں کاہے کہ پہ درمان ء ھاچت ء کارمرز کن انت ء - وھدے زمانگ ء دانیچکے دانگ ہورت ہورتا ساتگ انت آپ ء گونا تر کتگ انت و جنیناں وتی رستگیں سرا جتگ انت کہ دو دو ہپتگا سرے موداں رندگ نا لوٹتگ - بلے مرچاں اسپاگول نام ء سرا لاپ ء ریچگ و بند کنگے واستا کارمرز کن انت - کولسٹرول ء بیمار اگاں ہمک روچ دانیچک کارمرز بکنت آہےApr 29, 2026
|
|
Glossonema varians57 viewsShagoshag o Allado
بلوچیا اشیارا شگوسگ گوسنت بلے بلوچی کوھنین شعرانی توک ء اشیارا الّڈو ہم گوشنت - ۔
شیرگ پتّ انت الّڈوانی
اے کسانین بوٹگ ء بہارے درگتا رودیت اشیے بر شیرکن و تامدار انت
Apr 18, 2026
|
|
