| Category |
Albums |
Files |
|
10 |
2,317 |
|
| 2,317 files in 10 albums and 1 categories with 973 comments viewed 553,360 times |
|
|
Unripe date214 viewsپپُک
Papok
اے چار پپُک انت۔ اے چارینانی چار نام انت۔
یک،، تئی دیما جہل ءَ ناسی نمونگ ءَ پپُک ناہ یا ناہ ءِ گوش انت۔ اے نرم انت ورگ بیت۔
دو،، تئی دیم ءَ بُرز ءَ اے پپُک ءَ زبگ گوش انت۔ اے ورگ نہ بیت ترُند انت۔
سے،، تئی راستی کش ءَ اے پینگ انت ۔ اے ہم ورگ نہ بیت۔
چار،، تئی چپّی کش ءَ ایشیا آرتونگ یا آرتک گوش انت۔ اے نرم انت اشیا ورنت
|
|
195 viewsرمگ
Ramag
رمگ بلوچستان ء کوھانی زینت انت
|
|
Green Bee eater169 viewsکرکی ءُ نیلاں گواھرامُک
Karki. Nillan gwahramok
کرکی ءَ باز ھنداں نیلاں گوھرامُک گوش انت۔ کرکی بلوچستان ءِ وتی مُرک انت ۔ کشارانی ہمرنگیں بلے بُرزی نیمگا کمّ ءِ سُہری است۔ اے بالو پاتو کٹگ کرم شکار کنت۔ اے کسانیں بالی مُرگ ءِ بلے اشیے مستریں زات ءِ استیں کہ موسم ءِ سرا کئیت پدا واتر بیت۔
|
|
CASSIA_FISTULA418 viewsاملتاس
Amaltas
اے ڈنی مُلکی بزاں ھند ءُ برما ءِ درچک ات کہ گرماگ ئے وھداں زردیں ءُ ڈولداریں پُل پر کنت کہ باز ڈولدار بنت ۔
|
|
Desmostachya bipinnata155 viewsکِک
Kik
کک بلوچستان ءِ گرم ءُ سردیں ھند ءُ دمگاں رودیت ۔ ھرجاہ کہ ترا کک ڈک دنت تو دل ءَ جزم بو کہ آپ تئی کش ءُ گواراں موجود انت ، باز بلوچاں گوشتگ کہ کک آپ ءِ نشانی انت ، اے یک وترودیں کاہ ءِ کہ گیشتر ماں شہجواں ، بنداں جنگلاں کوہ ءُ ڈرّاں رودیت ، کک کہ آ جاہ ءَ رودیت ، چہ دراھگا ساری تسک انت کہ چہ زمیں درکیت ، اگاں لگت بہ بیت ، گڈاں پادے پُترگا ہچ چک ءُ پد نہ بیت ، کک اُنڈال باز جہل روانت ، اے کاہ سال ءِ دوازدہیں ماہاں وتارا داتیت ۔ کک الکپاپیں ھوش ءِ پر کنت کہ باز ڈولدار انت ۔
|
|
Cheese or Labneh ball223 viewsShillanch
شیلانچ
گردیں شیلانچ ءِ جوڑ کنگ بلوچ دودانی تہا است انت کہ دوگیں شیر چہ ورگ ءَ گیش بوتگ انت ۔ گڈا اشاں دوگ لہز داتگ انت ۔ گرد گرد گولکیں جوڑ کتگ انت تاپ داتگ ان ت۔ بلے لہڑ دیگ ءِ وھد ءَ کمک واد مان کتگ انت کہ کمے سور تام بنت ۔ اے وھدے کہ ھُشک بوتگ انت پدا ایر کتگ انت ءُ ہما وھدا نارُشت دوگیں لوگ ءَ نہ بوتگ گڈا اے شیلانچ چوپتگ انت ءُ آپ مان کتگ انت گوں نان ءَ نوش ءُ جان کتگ انت ۔ بلے مرچاں انچو ورانے ۔
|
|
Withania sommnifera {Ashwagandha}269 viewsKankaink
کانکینک
کانکینک کسانیں درچک ء کہ گیشتر ٹوہیں درچکانی نوان ء رودیت - پٹکیں درچکے سوب ء وتارا داشت نہ کنت چمیشکا وتارا زندگ دارگ ء واستا مجبور انت کہ بلاھیں درچکانی ساھگ اُو نوان ء برودیت - کانکینک گونڈیں اُو گردین تاک پرکنت سُہرُکیں دانگ پر کنت جنگُل ، پنکلگ ، بُلبُل ھر وھدا کانکینک ء پانگ انت اُو دانگاں ء ورنت - وھدے زمانگا کانکینک ء دار زُرتگ اُو تلک ء واستا کُبلُک جُوڈ کتگ مُرگ شکار کتگ - ھند ء کانکینک دوا اُو درمان جوڈ کن انت
|
|
Paterk161 views
پترک
Paterk
پترک بلوچستان ءِ بالائی کوہانی ڈولداری انت ، پترک کسانیں بوٹگ ءِ کہ بہار ءِ درگت ءَ رودیت ، بلے وھدے کہ پُل ءِ واستہ ٹوہیں کُل ءِ کش انت کہ زردیں اُرتیں پُل پر کنت ۔ بلوچستان ءَ پترک ءَ پہ تہلگ کار مرز کن انت ۔ چوش کہ اشیے براں پترک ءِ ہنگ گوش انت کہ اشیے بوہ ہم سارت انت ۔اشیے کول ء لہڑ دینت ءُ دل ءِ نادراہ ءُ وارین انت کہ دل ء بندیں شریاں بزاں رگاں پچ کنت ۔ بلوچ پترک ء باز کار ءَ کارمرز کن انت ۔
|
|
|
|
Viper Snake6 viewsGarr
گر یک سکیں تُرسناکیں مارے ۔ گرے بلوچستان نزے دہ چہ پانزدہ زات است انت بلے ہُمک ھنداں ایشانی نام دگر انت ۔ چوش کہ 1 جیل، 2 لُک، 3 کانٹی، بلے دگہ ہم باز انت ۔Jun 08, 2026
|
|
Balochistan pygmy jerboa44 viewsBalochistan e kangro
بلوچستان ءِ کسانکیں ءُ پٹکیں سے لنکگی جربو بزان کانگرو باز کسان ءُ پٹک انت ۔ آئیے سنٹ ء بگر تا جاں دراجی 4.3 سنٹی میٹر انت ۔ آئیے لٹیک 8 سنٹیمٹر انت اے نسل بلوچستان ءُ افغانستان است انت ۔ اے بلے اولی رند ءَ بلوچستان درگیجگ بوتگ چمیشکا اشیا بلوچستان نام داتگ ۔ گونڈیں بالاد ے اے وتارا وتی دویں پادانی سرا سٹوک کنت ءُ چہ دشمناں وتار رکین ات ۔ اے وتارا گرمیں ریگستان ءُ ہُشکاوگیں جاہاں زند گوازین انت اے گیشتر وت رودیں درچکانی بر ءُ تاکاں وارت ۔ ایشان گیشتر گریں مار، گوج ءُ پیشی شکار کن انت ۔ May 30, 2026
|
|
BLADDER DOCK28 views
Kohi Tropshok
کوہی ترُپشک
اے گیشتر ماں کوہاں اُو ڈل دیماں رُودیت - اے باز ترُپش انت اُو گندگ ء گوں دپ آپ دنت - بھار کاہ ء بلے گلابی، زردین اُو سُہریں پُل پر کنت - منی ھیال ء بلوچستانے ڈولدارتریں پُلاں چہ یکے - ترُپشُک ء تاکاں بلوچ پہ شُوق ورانت
May 26, 2026
|
|
Alfalfa, Medicago sativaa26 viewsEspost Pol
اِسپوست کسانیں کاہے کہ کد ءِ 3 فٹ بوت کنت ۔ اسپوست رُدگ ءَ باز دیر کنت، بلے اولی رند ءَ رُونگ ءَ رند پدا زوت رودیت ۔ چین ءَ 1500 سال پیشتر اسپوست پہ تہلگ کار مرز کتگ ۔ اسپوست چاز سال ءَ بگر تاں ہشت سال ءَ کاہ دنت ، بلے اگاں اسپوست ءَ جاگہ وش بہ بیت ءُ ءُ بیست سال ہم زندگ بوت کنت ۔ اسپوست ءَ باز زات انت بلوچستان ءَ جموں رنگ ءِ پُل ءِ اسپوست کارمرز کن انت بلے دریں ملکاں زرد پُل ءپ گلابی پُل ءُ دگہ بازیں زات ءِ اسپوست است ۔ اسپوست ہما کاہ انت کہ اشیا دُراہیں دلوت ورانت ءِ ۔ اسپوست ہما کاہ انت کے
May 21, 2026
|
|
unripe date42 viewsPapok e nah
پپُک ءِ ناہ
وھدیکہ کہ پپُک چہ وھد ءِ پیسر ناہ بیت بزاں پہ ورگ وش انت وھدیکہ کہ پپُک آرتونگ بیت پدا ناہ بیت آئیے تام باز وش بیت ۔ شما پپُک ءِ ناہ وارتگ؟ May 16, 2026
|
|
Ehretia obtusifolia49 views
Kasanin Liwar
کسانین لیوّار
کسانیں لیوّار بلوچستان ے درچک نہ انت - اے بلے مرچاں بلوچستان لوگانی دیم او باگانی توک ا دست کپیت - او اشیا کسانین زردیں دانگ لپچناک انت بلے گونڈو اشیا پہ شوق سرچن انت او ورانت - بلے اے ھاسیں نیبگے نہ انت -۔May 08, 2026
|
|
Plantago boissier [Isphagula]71 views
Danichk
دانیچک کسانیں کاہ ء ماں بہارگاہء رودیت - اے درمانیں کاہے کہ پہ درمان ء ھاچت ء کارمرز کن انت ء - وھدے زمانگ ء دانیچکے دانگ ہورت ہورتا ساتگ انت آپ ء گونا تر کتگ انت و جنیناں وتی رستگیں سرا جتگ انت کہ دو دو ہپتگا سرے موداں رندگ نا لوٹتگ - بلے مرچاں اسپاگول نام ء سرا لاپ ء ریچگ و بند کنگے واستا کارمرز کن انت - کولسٹرول ء بیمار اگاں ہمک روچ دانیچک کارمرز بکنت آہےApr 29, 2026
|
|
Glossonema varians57 viewsShagoshag o Allado
بلوچیا اشیارا شگوسگ گوسنت بلے بلوچی کوھنین شعرانی توک ء اشیارا الّڈو ہم گوشنت - ۔
شیرگ پتّ انت الّڈوانی
اے کسانین بوٹگ ء بہارے درگتا رودیت اشیے بر شیرکن و تامدار انت
Apr 18, 2026
|
|
